شاورما عربي .. شغل يدّيني .. والخطوات بالصور...

السلام عليكم

مسوي لكم شاورما عربي << يعني في صحن مو سندويشه

إن شاء الله تعجبكم ...

المقادير :

1 صحن صدور دجاج ..

2 طماطم _ نص راس خس _ 1 بصله كبيرة _ شوية كزبرة مفرومة ..

سماق أحمر ..

تتبيلة الدجاج :

1 ليمونه كبيرة _ ملعقة صغيرة ملح _ 2 فص ثوم مدقوق _ 2 ملعقة خل أبيض _ نص ملعقة صغيرة فلفل أسود ..

الصوص :

1 علبة زبادي _ 2 ملعقة لبنه _ 2 ملعقة طحينية _ ملح _ ليمون _ شوية زيت زيتون _ وخففيها بشوية مويه ..

الطريقة :

1/ قطعي البصل جوانح وحطيه في صحن + ربع ليمون + ملعقة سماق >> عشان تخف ريحته وحدة طعمه ..

2/ نسوي الصوص << نخلط كل مقاديره مع بعض ونتركه في الثلاجة لوقت التقديم ...

3/ نخلط مقادير تتبيلة الدجاج مع بعضها .. نقطع الصدور شرايح رقيقه وننقعها في التتبيله لمدة ساعة عالاقل << في الثلاجة ..

وكل ما زادت الفترة كل ماكان أحسن ..

4/ نقطع الطماطم شرايح .. ونقطع الخس ونرصهم في صحن التقديم ..

5/ نصفي البصل من الليمون ( دون غسل ) ونحطه فوق الطماطم والخس ...

6/ نحط الدجاج مع تتبيلته عالنار ( لا تصفيه من التتبيله ) .. ونغطي عليه .. ومن وقت لثاني نحركه ونرجع نغطيه << تقريبا من 15_ 20 دقيقة ..

7/ بعد ما ينشف الدحاج من التتبيله ويستوي .. نحط عليه شوية من الكزبرة المفرومة وملعقتين من الصوص .. ونخلطهم سواا ..

8/ نحط الدجاج في الصحن ..

9/ نضيف له باقي الكزبرة المفرومة ..

10/ نصب عليه الصوص .. ونرشه بشوية سماق ..

وبسسس

هنا وعافية

ثأاأانكس حبو ع الوصفة
يعطيكـ اللهـ ألفـ عافيقـ

» حلويات بالصور .. مع طريقة عملها ومقاديرها .. لاتفوتكم يمي يمي
» طريقة عمل الفلافل بالصور
» انتحار مراهقة بالصور
» فيلم رومنسي خطير بالصور
» بيتزا المراوح الغريبة بالصور إلحقوـووووا